ലക്‌നോ: മുലായമിന്റെ അഭാവം മൂലം ശ്രദ്ധേയമായ തെരഞ്ഞെടുപ്പ് പ്രകടന പത്രിക പുറത്തിറക്കിയ ചടങ്ങ് കഴിഞ്ഞ് മണിക്കൂറികള്‍ക്കകം എല്ലാം നല്ലതിനെന്ന് അഖിലേഷ് യാദവിന്റെ ഫേസ്ബുക്ക് പോസ്റ്റ്. പ്രകടനപത്രികയുടെ രണ്ടു കോപ്പികളുമായി ഇരിക്കുന്ന മുലായം സിങ്  യാദവിനൊപ്പം അഖിലേഷും ഭാര്യ ഡിമ്പിള്‍ യാദവും ചിരിച്ചു കൊണ്ടു നില്‍ക്കുന്ന ചിത്രവും പോസ്റ്റ് ചെയ്തിട്ടുണ്ട്. യാദവ യുദ്ധത്തിലെ മധ്യസ്ഥന്‍ അസംഖാനും ഫോട്ടോയിലുണ്ട. 

കഴിഞ്ഞ ദിവസം പ്രകടന പത്രിക പുറത്തിറക്കിയ ശേഷം അഖിലേഷും മുലായമും തമ്മില്‍ കൂടിക്കാഴ്ച നടത്തിയിരുന്നു. മുക്കാല്‍ മണിക്കൂറോളം സംസാരിച്ച ഇവര്‍ ഒന്നിച്ചാണ് ഓഫീസില്‍ നിന്നും തിരിച്ചു പോയത്.