ന്യൂഡല്‍ഹി: ജവഹര്‍ലാല്‍ നെഹ്‌റു യൂനിവേഴ്‌സിറ്റി(ജെ.എന്‍.യു)വില്‍ അഴുകിയ മൃതദേഹം കണ്ടെത്തി. സര്‍വകലാശാലയുടെ കാംപസിലെ വനപ്രദേശത്താണ് മരത്തില്‍ തൂങ്ങിയ നിലയില്‍ മൃതദേഹം കണ്ടെത്തിയത്. ഡല്‍ഹിയിലെ നജഫ് പ്രദേശത്തുകാരനായ രാംപ്രവീഷിന്റെ മൃതദേഹമാണ് കണ്ടെത്തിയതെന്ന് പൊലിസ് പിന്നീട് സ്ഥിരീകരിച്ചു.
ആത്മഹത്യയാണോയെന്ന് സംശയിക്കുന്നുണ്ട്. മൃതദേഹത്തിന്റെ സമീപത്ത് നിന്ന് ലഭിച്ച ആധാര്‍ കാര്‍ഡും ഡ്രൈവിങ് ലൈസന്‍സും വഴിയാണ് മരിച്ചയാളെ തിരച്ചറിയാന്‍ സഹായിച്ചതെന്ന് പൊലിസ് പറഞ്ഞു.