തരുവണ: കഴിഞ്ഞ ദിവസം ആടിനെ കൊന്ന പുലി കോഴിയെ കടിച്ചുകൊന്നു. പുലിക്കാട് കുന്നില്‍ അരീക്കര കോളനിയിലെ ആദിവാസികളുടെ ഒരു കോഴിയെയാണ് പുലി കടിച്ചു കൊന്നു തിന്നത്.
പുലിക്കാട് എല്‍.പി സ്‌കൂളിന് പരിസരത്താണ് സംഭവം. പുലി കടിച്ച് കൊണ്ട് ഓടുന്നത് കണ്ടതായി പ്രദേശത്തുകാര്‍ പറഞ്ഞു. വനം വകുപ്പ് അധികൃതരും വെള്ളമുണ്ട പൊലിസും സംഭവ സ്ഥലം സന്ദര്‍ശിച്ചു.പുലിയെ കൂട് വെച്ചു പിടിക്കണമെന്നാണ് നാട്ടുകാരുടെ ആവശ്യം.