നിലമ്പൂര്‍: വനിതാ ശിശുവികസന വകുപ്പിന്റെ സംയോജിത ശിശു സംരക്ഷണ പദ്ധതിയുടെ ഭാഗമായി ജില്ലാ ചൈല്‍ഡ് പ്രൊട്ടക്ഷന്‍ യൂനിറ്റ് നിലമ്പൂരില്‍ പരിശീലന പരിപാടി സംഘടിപ്പിച്ചു. ഔവര്‍ റെസ്‌പോണ്‍സിബിലിറ്റി ടു ചില്‍ഡ്രന്‍സ് എന്ന പേരില്‍ പരിശീലകര്‍ക്കുള്ള ജില്ലാതല പരിശീലനമാണ് സംഘടിപ്പിച്ചത്. വനം വകുപ്പിന്റെ ചന്തക്കുന്ന് ബംഗ്ലാവ്കുന്ന് ഡോര്‍മെറ്ററിയില്‍ നടന്ന പരിപാടി പെരിന്തല്‍മണ്ണ ഡി.വൈ.എസ്.പി എം.പി മോഹനചന്ദ്രന്‍ ഉദ്ഘാടനം ചെയ്തു. ജില്ലാ ചൈല്‍ഡ് പ്രൊട്ടക്ഷന്‍ ഓഫിസര്‍ സമീര്‍ മച്ചിങ്ങല്‍, ഡോ. മുഫ്‌സിന മറിയം, സി.സലീന സംസാരിച്ചു. അബ്ദുസലാം, പി.ജെ ഫിലിപ്പ്, പി.പി അനീസ, പൗലോസ് കുട്ടമ്പുഴ തുടങ്ങിയവര്‍ ക്ലാസെടുത്തു.