നാദാപുരം: അരൂരില്‍ വാളും ഇരുമ്പു പൈപ്പും പിടികൂടി. പാതാളക്കുന്ന് റോഡിലെ വിജനമായ പറമ്പില്‍ ഇന്നലെ രാവിലെ പൊലിസ് നടത്തിയ പരിശോധനയിലാണ് നീളമേറിയ മൂന്ന് വാളുകളും സൂക്ഷിക്കാന്‍ നിര്‍മിച്ച ഇരുമ്പ് പൈപ്പും പൊലിസ് കണ്ടെടുത്തത്.
ഇരുമ്പ് പൈപ്പിന്റെ ഇരുഭാഗവും അടച്ചുപൈപ്പിനുള്ളില്‍ സൂക്ഷിച്ച നിലയിലായിരുന്നു.
കഴിഞ്ഞയാഴ്ച ഇവിടെ വ്യാപകമായ തോതില്‍ ബോംബ് സ്‌ഫോടനം നടന്നിരുന്നു.
പൊലിസ് ജീപ്പിനു നേരെയുണ്ടായ ബോംബേറില്‍ ജീപ്പിന്റെ മുന്‍ഭാഗത്തെ ചില്ലുകള്‍ തകരുകയും ചെയ്തിരുന്നു.
പൊലിസ് കേസെടുത്ത് അന്വേഷണം ആരംഭിച്ചു.