കോതമംഗലം: ഊന്നുകല്‍ പൊലിസ് സ്റ്റേഷന്‍ പരിധിയില്‍ നേര്യമംഗലം, നെല്ലിമറ്റം പ്രദേശങ്ങളില്‍ രാത്രിയില്‍ കടകള്‍ കുത്തിത്തുറന്ന് മോഷണം നടത്തിയിരുന്ന നെയ്യാറ്റിന്‍കര കാരക്കോണം സ്വദേശി കാട്ടുവള്ളി പുത്തന്‍വീട്ടില്‍ ദാസ് (58) നെ ഇന്നലെ ഊന്നുകല്‍ പൊലിസ് സബ് ഇന്‍സ്‌പെക്ടര്‍ സൂഫി റ്റി.എം അറസ്റ്റ് ചെയ്തു.
പ്രതി തിരുവനന്തപുരം, എറണാകുളം, ഇടുക്കി എന്നീ ജില്ലകളിലെ വിവിധ പൊലിസ് സ്റ്റേഷനുകളില്‍ നിരവധി മോഷണക്കേസില്‍ പ്രതിയാണ്.
മുന്‍പ് 12 വര്‍ഷത്തോളം ജയില്‍ ശിക്ഷ അനുഭവിച്ചിട്ടുള്ളയാളാണ് പ്രതി. പ്രതിയെ കോതമംഗലം ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതി മുന്‍പാകെ ഹാജരാക്കി.