ചെര്‍പ്പുളശ്ശേരി: ഈ മാസം 17 മുതല്‍ 21 വരെ നടക്കുന്ന പട്ടിക്കാട് ജാമിഅ നൂരിയ്യ അറബിക് കോളജിന്റെ 55ാം വാര്‍ഷിക 53ാം സനദ്ദാന സമ്മേളനം വിജയിപ്പിക്കാന്‍ ചെര്‍പ്പുളശ്ശേരി മുനവ്വിറുല്‍ ഇസ്‌ലാം മദ്‌റസയില്‍ ചേര്‍ന്ന ജില്ലാ ഫൈസി സംഗമം തീരുമാനിച്ചു.
ജില്ലയിലെ ഫൈസിമാരുടെ വിവരങ്ങളടങ്ങിയ ഡയറക്ടറി പ്രസിദ്ധീകരിക്കാനും, പട്ടാമ്പി, ഒറ്റപ്പാലം, മണ്ണാര്‍ക്കാട്, പാലക്കാട് എന്നീ നാലുമേഖലകളില്‍ കമ്മിറ്റികള്‍ രൂപീകരിക്കാനും തീരുമാനിച്ചു.
ജില്ലയിലെ മുഴുവന്‍ ഫൈസിമാരേയും ഉള്‍പ്പെടുത്തി വിപുലമായ കണ്‍വന്‍ഷന്‍ ചേരും. ഓസ്‌ഫോജന ജില്ലാ കമ്മിറ്റി ചെയര്‍മാന്‍ ഇ. അലവി ഫൈസി അധ്യക്ഷനായി. സമസ്ത ജില്ലാ പ്രസിഡന്റ് സയ്യിദ് കെ.പി.സി തങ്ങള്‍ വല്ലപ്പുഴ ഉദ്ഘാടനം ചെയ്തു. ജി.എം സ്വലാഹുദ്ധീന്‍ ഫൈസി വല്ലപ്പുഴ മുഖ്യപ്രഭാഷണം നടത്തി. എ. ശമീര്‍ ഫൈസി കോട്ടോപ്പാടം പ്രസംഗിച്ചു.
ജില്ലാ കണ്‍വീനര്‍ ടി.കെ മുഹമ്മദ്കുട്ടി ഫൈസി കരുവാന്‍പടി സ്വാഗതവും ട്രഷറര്‍ സി. മുഹമ്മദലി ഫൈസി നന്ദിയും പറഞ്ഞു.