കൊപ്പം: പുനര്‍ നിര്‍മ്മിക്കപ്പെട്ട ആമയൂര്‍ മസ്ജിദുറഹ്മാന്‍ ഉദ്ഘാടന കര്‍മ്മം പാണക്കാട് സയ്യിദ് ഹൈദരലി ശിഹാബ് തങ്ങള്‍ ഇന്ന് മഗ്‌രിബ് നിസ്‌കാരത്തിന് നേതൃത്വം നല്‍കി നിര്‍വഹിക്കും.
തുടര്‍ന്ന് നടക്കുന്ന പൊതു സമ്മേളനത്തില്‍ മഹല്ല് ഖത്തീബ് സയ്യിദ് അബ്ദുറഹ്മാന്‍ ജിഫ്രി തങ്ങള്‍ അധ്യക്ഷനാകും. സമസ്ത ജന: സെക്രട്ടറി കെ ആലിക്കുട്ടി മുസ്്‌ലിയാര്‍ മുഖ്യാതിഥിയായി പങ്കെടുക്കും. സമസ്ത മുശാവറ അംഗം സയ്യിദ് കെ.പി.സി തങ്ങള്‍ ഫൈസി പ്രാര്‍ത്ഥന നിര്‍വഹിക്കും.
സിംസാറുല്‍ഹഖ് ഹുദവി അബൂദാബി, അബ്ദുസ്സമദ് പൂക്കോട്ടൂര്‍ എന്നിവര്‍ പ്രഭാഷണം നടത്തും. മികച്ച ഖത്തീബിനുള്ള ഉപഹാരം ഹൈദരലി തങ്ങള്‍ നല്‍കും. സയ്യിദ് അബ്ദുറഹ്മാന്‍ ജിഫ്രി തങ്ങള്‍ ഏറ്റുവാങ്ങും. തുടര്‍ന്ന് നടക്കുന്ന മജ്‌ലിസുന്നൂര്‍ ആത്മീയ സദസ്സിന് അത്തിപ്പറ്റ മൊയ്തീന്‍ കുട്ടി മുസ്്‌ലിയാര്‍ നേതൃത്വം നല്‍കും. സ്വലാഹുദ്ധീന്‍ ഫൈസി വല്ലപ്പുഴ പ്രഭാഷണം നടത്തും. മഹല്ല് പ്രസിഡന്റ് എന്‍.പി മരക്കാര്‍ സ്വാഗതവും സെക്രട്ടറി ഇ മൊയ്തീന്‍ ഹാജി നന്ദിയും പറയും.