ലണ്ടന്‍: ഇഞ്ച്വറി ടൈമില്‍ ബെല്ലാറിന്‍ നേടിയ ഗോളില്‍ ആഴ്‌സണല്‍ രക്ഷപ്പെട്ടു. ഇംഗ്ലീഷ് പ്രീമിയര്‍ ലീഗ് പോരാട്ടത്തില്‍ ചെല്‍സിക്കെതിരേ ആഴ്‌സണല്‍ സ്വന്തം തട്ടകത്തില്‍ 2-2ന് സമനില സ്വന്തമാക്കി.
63ാം മിനുട്ടില്‍ വില്‍ഷെയര്‍ നേടിയ ഗോളില്‍ ആഴ്‌സണല്‍ ലീഡെടുത്തപ്പോള്‍ 67ാം മിനുട്ടില്‍ ലഭിച്ച പെനാല്‍റ്റി വലയിലാക്കി ഏദന്‍ ഹസാദ് ചെല്‍സിക്ക് സമനില സമ്മാനിച്ചു. 84ാം മിനുട്ടില്‍ മാര്‍ക്കോസ് അലോണ്‍സോ ചെല്‍സിയെ മുന്നിലെത്തിച്ചതോടെ അവര്‍ വിജയവും പ്രതീക്ഷിച്ചു.
എന്നാല്‍ കളിയുടെ അവസാന നിമിഷത്തിലാണ് ആഴ്‌സണലിന് ആശ്വാസമായി ബെല്ലാറിന്‍ രക്ഷകനായത്.