കടലുണ്ടി: കടലുണ്ടിക്കടവ് റോഡില്‍ വാക്കടവിനു സമീപം കാറിടിച്ച് ബൈക്ക് യാത്രികന് സാരമായി പരുക്കേറ്റു. ചാലിയം അല്‍ഫൗസ് ജുമാമസ്ജിദിനു സമീപം പൊക്കിളിന്റകത്ത് സൈതലവിക്കാണ് (42) പരുക്കേറ്റത്. വ്യാഴാഴ്ച രാവിലെ ഒന്‍പതോടെയായിരുന്നു അപകടം. ബൈക്കില്‍ ആനങ്ങാടി ഭാഗത്തേക്ക് പോവുകയായിരുന്ന ഇദ്ദേഹത്തെ എറണാകുളത്ത് നിന്നു വരികയായിരുന്ന കാര്‍ ഇടിച്ചു തെറിപ്പിക്കുകയായിരുന്നു. കാലിനും തലക്കും പരുക്കേറ്റ സൈതലവിയെ സ്വകാര്യ ആശുപത്രിയില്‍ പ്രവേശിപ്പിച്ചു.