കുന്നംകുളം: ചൂണ്ടല്‍ ഗ്രാമ പഞ്ചായത്ത് പ്രസിഡന്റായിരുന്ന എം.എ സുമ്പ്രമണ്യന്റെ ഓര്‍മ്മയ്ക്കായി ഏര്‍പെടുത്തിയ ജില്ലയിലെ മികച്ച തദേശ സ്വയംഭരണ സ്ഥാപന ജനപ്രതിനിധിക്കുള്ള പുരസ്‌ക്കാരത്തിന് അളഗപ്പ നഗര്‍ ഗ്രാമപഞ്ചായത്ത് പ്രസിഡന്റ് കെ രാജേശ്വരിയെ തിരഞ്ഞെടുത്തു.
വിദ്യഭ്യാസ മന്ത്രി പ്രഫ. രവീന്ദ്രനാഥ്. മുന്‍ ജില്ലാ പഞ്ചായത്ത് പ്രസിഡന്റ് സി.സി ശ്രീകുമാര്‍, ഗ്രന്‍ഥശാല പ്രവര്‍ത്തകന്‍ കെ രാമകൃഷ്ണന്‍ എന്നിവരടങ്ങുന്ന സമതിയാണ് പുരസക്കാര ജേതാവിനെ തിരഞ്ഞെടുത്തത്.പരിമിതകളെയും, ശാരീരികാസ്തകളേയും മറികടന്ന് 4 തവണ ജനപ്രതിനിധിയായി തിരഞ്ഞെടുക്കപെട്ട ഇവര്‍ രണ്ട് തവണ പഞ്ചായത്ത് പ്രസിഡന്റായി.സംസ്ഥാനത്തെ രണ്ടാമത്തേയും, ജില്ലയിലെ ആദ്യത്തേതുമായ സമ്പൂര്‍ണ്ണ പെന്‍ഷന്‍ പഞ്ചായത്തായി അളകപ്പനഗറിനെ പ്രഖ്യാപിക്കാന്‍ കാരണമായത് ഇവരുടെ പ്രയത്‌നത്തിന്റെ ഫലമായാണ്. ക്യാന്‍സര്‍ രോഗിയും, വിധവയുമായ ഇവര്‍ പൊതു പ്രവര്‍ത്തന രംഗത്ത് നടത്തുന്ന ആത്മാര്‍ത്ഥമായ പ്രവര്‍ത്തനമാണ് പുരസക്കാരത്തിന് തിരഞ്ഞെടുക്കാന്‍ കാരണമായത്.ജനുവരി 26 ന് വൈകീട്ട് 4ന് കേച്ചേരി പാറന്നൂരില്‍ നടക്കുന്ന ചടങ്ങില്‍ പുരസ്‌ക്കാരം സമര്‍പ്പിക്കും.