പേരാമ്പ്ര:'വൃക്കയ്‌ക്കൊരു തണല്‍' മെഗാ എക്‌സിബിഷന്‍ പേരാമ്പ്രയില്‍ തുടങ്ങി. വടകര തണലും പേരാമ്പ്ര ദയയും സംയുക്തമായി നടത്തുന്ന എക്‌സിബിഷന്‍ ദാറുന്നുജൂം കോളജ് ഗ്രൗണ്ടില്‍ കോഴിക്കോട് മെഡിക്കല്‍ കോളജ് പ്രിന്‍സിപ്പല്‍ ഡോ. വി.പി ശശിധരന്‍ ഉദ്ഘാടനം ചെയ്തു.
സൗജന്യ രോഗനിര്‍ണയ ക്യാംപ് ഡോ. ആനന്ദ് ഉദ്ഘാടനം ചെയ്തു. എ.കെ പത്മനാഭന്‍ മാസ്റ്റര്‍ അധ്യക്ഷനായി. ഡോ. ഉദയഭസ്‌കര്‍, എ.കെ തറുവയ് ഹാജി, എം.കെ കുഞ്ഞമ്മദ്, പഞ്ചായത്ത് പ്രസിഡന്റ് കെ.എം റീന, ശ്രീധരന്‍ കല്ലാട്ട്താഴെ, ഡോ. ഇസ്മായില്‍ മരുതേരി, ഡോ. കാന്തിമതി രാജന്‍, മധുസൂദനന്‍ പൂക്കാട്, പി.കെ ഇബ്രാഹിം, സുമീഷ് സംസാരിച്ചു. ഇ.പി കുഞ്ഞബ്ദുല്ല സ്വാഗതവും ഇ. ബാലകൃഷ്ണന്‍ നന്ദിയും പറഞ്ഞു. വെള്ളിയാഴ്ച നടന്ന സംവാദത്തിനു ഡോ. കെ.സി രാജശ്രീ, ശ്രീധരന്‍ പെരുവണ്ണാമൂഴി എന്നിവര്‍ നേതൃത്വം നല്‍കി. എക്‌സിബിഷന്‍ 29നു സമാപിക്കും.