ചെറുവത്തൂര്‍: സര്‍വശിക്ഷാ അഭിയാന്‍ പുതുതായി നിയമിച്ച കലാ- പ്രവൃത്തി പരിചയ അധ്യാപകര്‍ക്കു പരിശീലനം സംഘടിപ്പിച്ചു. ചെറുവത്തൂര്‍ ബി.ആര്‍.സിയില്‍ നടന്ന പരിശീലനം ബി.പി.ഒ കെ നാരായണന്‍ ഉദ്ഘാടനം ചെയ്തു. ജില്ലാ പ്രവൃത്തി പരിചയ അസോസിയേഷന്‍ ജോയിന്റ് സെക്രട്ടറി സപ്ന അധ്യക്ഷയായി.
ജില്ലാ പ്രവൃത്തി പരിചയ അസോസിയേഷന്‍ സെക്രട്ടറി പ്രമോദ് അടുത്തില, ബേക്കല്‍ ബി.ആര്‍.സി ട്രെയിനര്‍ ദിലീപ് കുമാര്‍, ബി.ആര്‍.സി. ട്രെയിനര്‍ പി.വി ഉണ്ണിരാജന്‍ സംസാരിച്ചു. കടലാസ് പൂക്കള്‍, നോട്ടു പുസ്തകം, പെരിസ്‌കോപ്പ് എന്നിവയെല്ലാം പരിശീലനത്തിലൂടെ നിര്‍മിച്ചെടുത്തു.
കടലാസ് പൂക്കള്‍, പെരിസ്‌കോപ്പ് എന്നിവ ഉപയോഗിച്ച് ഒരുക്കിയ പൂക്കള മാതൃകയും ശ്രദ്ധേയമായി.