മാഡ്രിഡ്: സ്പാനിഷ് ലാ ലിഗയില്‍ റയല്‍ മാഡ്രിഡിനു തകര്‍പ്പന്‍ ജയം. എതിരില്ലാത്ത മൂന്നു ഗോളുകള്‍ക്ക് അവര്‍ റയല്‍ സോസിഡാഡിനെ കീഴടക്കി. മറ്റൊരു മത്സരത്തില്‍ സെവിയ്യ 3-1നു എസ്പാന്യോളിനോടു അപ്രതീക്ഷിത തോല്‍വി വഴങ്ങി.
കോവാകിച്, ക്രിസ്റ്റ്യാനോ റൊണാള്‍ഡോ, ആല്‍വരോ മൊറാറ്റ എന്നിവരുടെ ഗോളുകളാണ് റയലിനു ജയമൊരുക്കിയത്.
ജയത്തോടെ റയല്‍ ഒന്നാം സ്ഥാനത്ത് കുതിപ്പ് തുടരുന്നു. അതേസമയം അപ്രതീക്ഷിത തോല്‍വി സെവിയ്യയുടെ രണ്ടാം സ്ഥാനം നഷ്ടമാക്കി. സെവിയ്യ തോല്‍വി വഴങ്ങുകയും ബാഴ്‌സലോണ കഴിഞ്ഞ ദിവസം റയല്‍ ബെറ്റിസുമായി സമനിലയില്‍ പിരിയുകയും ചെയ്തതോടെ ഇരു ടീമുകള്‍ക്കും 42 പോയിന്റുകള്‍. ഗോള്‍ ശരാശരിയില്‍ സെവിയ്യയെ ബാഴ്‌സ പിന്തള്ളി.