കടമേരി: റെയ്ഞ്ച് ജംഇയ്യത്തുല്‍ മുഅല്ലിമീന്‍ കലാമേളയില്‍ 160 പോയിന്റോടെ ആര്‍.എ.സി ബോര്‍ഡിങ് മദ്‌റസ ഓവറോള്‍ ചാംപ്യന്മാരായി. എം.യു.എം രണ്ടാം സ്ഥാനവും ടി.എസ്.എം മംഗലാട് മൂന്നാം സ്ഥാനവും നേടി. കിഡ്ഡീസ് വിഭാഗത്തില്‍ എന്‍.ഐ.എം പെരുമുണ്ടശ്ശേരി, സബ്ജൂനിയര്‍ വിഭാഗത്തില്‍ എച്ച്.ഐ.എം എളയട, ജൂനിയര്‍, സീനിയര്‍, സൂപ്പര്‍ സീനിയര്‍ വിഭാഗങ്ങളില്‍ ആര്‍.എ.സി ബോര്‍ഡിങ് മദ്‌റസ ഒന്നാം സ്ഥാനം കരസ്ഥമാക്കി.
സി.എച്ച് മഹ്മൂദ് സഅദി ഉദ്ഘാടനം ചെയ്തു.
സിഎച്ച് ഹമീദ് മുസ്‌ലിയാര്‍, കെ.പി മൊയ്തു മൗലവി, മൊയ്തു ഫൈസി നിട്ടൂര്‍, ടി.വി.പി മുഹമ്മദലി, ഷഫീഖ് റഹ്മാനി, സി.എച്ച് ഷാക്കിര്‍, ഫവാസ് ദാരിമി, ഷഫീഖ് ചാലില്‍, സലീം മാസ്റ്റര്‍, ടി.കെ ഹാരിസ് മാസ്റ്റര്‍, റഊഫ് മാസ്റ്റര്‍, സിദ്ദീഖ് റഹ്മനി പുല്ലഞ്ചേരി, ബദ്‌റുദ്ദീന്‍ റഹ്മാനി, നാസര്‍ ബാഖവി, റാഷിദ് മാസ്റ്റര്‍, സമദ് ദാരിമി, നജ്മുദ്ദീന്‍ റഹ്മാനി സംബന്ധിച്ചു.
വില്യാപ്പള്ളി: റെയ്ഞ്ച് ജംഇയ്യത്തുല്‍ മുഅല്ലിമീന്‍ കുറിഞ്ഞാലിയോട് നുസ്‌റത്തുല്‍ ഇസ്‌ലാം മദ്‌റസയില്‍ നടത്തിയ കലാമേളയില്‍ തന്‍വീറുല്‍ ഇസ്‌ലാം മദ്‌റസ ജേതാക്കളായി. മേമുണ്ട ബാഫഖി മെമ്മോറിയല്‍ മദ്‌റസ രണ്ടാം സ്ഥാനവും വള്ള്യാട് ഇസ്സത്തുല്‍ ഇസ്‌ലാം മദ്‌റസ മൂന്നാം സ്ഥാനവും നേടി. മഹല്ല് പ്രസിഡന്റ് വി.പി സുലൈമാന്‍ ഹാജി പതാക ഉയര്‍ത്തി. മദ്‌റസ പ്രസിഡന്റ് എന്‍.കെ ഇബ്‌റാഹിം ഹാജി അധ്യക്ഷനായി. റെയ്ഞ്ച് പ്രസിഡന്റ് യൂസുഫ് തങ്ങള്‍ പ്രാര്‍ഥന നടത്തി. മുഹമ്മദ് മുസ്‌ലിയാര്‍, സി.എസ് അബ്ദുസ്സലാം ബാഖവി, സിറാജ് വി.പി, വി.പി മഹ്മൂദ് മാസ്റ്റര്‍, സൈതലവി വഹബി, ഫൈസല്‍ ദാരിമി സംസാരിച്ചു.