പടിഞ്ഞാറത്തറ: കുപ്പാടിത്തറയില്‍ തെരുവു നായ്ക്കള്‍ മൂന്ന് ആടിനെ കടിച്ച് കൊന്നു. ചാഞ്ഞാലത്ത് ആദിവാസി കോളനിയിലെ മോളി രാജന്റെ മൂന്ന് ആടുകളെയാണ് തെരുവു നായ്ക്കള്‍ കടിച്ചുകൊന്നത്.
ട്രൈബല്‍ ഡിപ്പാര്‍ട്ട്‌മെന്റില്‍ നിന്നും അനുവദിച്ച ആടുകളാണ് കൊല്ലപ്പെട്ടത്. ഇതില്‍ ഒരു ആട് ഗര്‍ഭിണിയായിരുന്നു. മറ്റൊരാട് സാരമായ പരുക്കുകളോടെ രക്ഷപ്പെട്ടു.
ചാഞ്ഞാലത്ത് കോളനിയിലെ കൂലിപ്പണിക്കാരായ മോളി രാജന്‍ ദമ്പതികളുടെ ഏക സമ്പാദ്യമായിരുന്നു ഈ ആടുകള്‍.
ഗ്രാമ പഞ്ചായത്ത് പ്രസിഡന്റ് പി.ജി സജേഷ്, മെമ്പര്‍മാരായ ഉഷ ആനപ്പാറ, ജോസഫ് പുല്ലുമാരിയില്‍, ട്രൈബല്‍ ഓഫിസര്‍ ശ്രീകല, വെറ്റിനറി സര്‍ജന്‍, മറ്റ് ഉദ്യോഗസ്ഥരും സ്ഥലം സന്ദര്‍ശിച്ചു.