ഡല്‍ഹി:യുവതിയെ മംഗോല്‍പൂരിയിലെ പാര്‍ക്കില്‍ കല്ലുകൊണ്ട് ഇടിച്ചു കൊന്ന നിലയില്‍ കണ്ടെത്തി. 30 കാരിയായ വീട്ടമ്മ ആരതിയാണ് കൊല്ലപ്പെട്ടത്. ഇന്നലെ രാത്രിയിലായിരുന്നു സംഭവം. രാത്രി 8.30 ഓടെയാണ് പാര്‍ക്കില്‍ മൃതദേഹം കണ്ടെത്തിയതെന്ന് പൊലിസ് പറഞ്ഞു.

ആരതിയുടെ ഭര്‍ത്താവാണെന്ന് പരിചയപ്പെടുത്തി ഒരാള്‍ പൊലിസിനെ ഫോണില്‍ വിളിച്ച് കൊലപാതക വിവരം അറിയിക്കുകയായിരുന്നു. ഒരു മാസം മുമ്പാണ് ആരതി വിവാഹിതയായത്. മൃതദേഹത്തിന് സമീപത്തു നിന്നും രക്തംപുരണ്ട വലിയ കല്ലും കണ്ടെടുത്തു.

മൃതദേഹം പോസ്റ്റ് മോര്‍ട്ടത്തിനായി ആശുപത്രിയിലേക്ക് മാറ്റി. സംഭവത്തിനു ശേഷം ആരതിയുടെ ഭര്‍ത്താവ് ഒളിവിലാണ്. കേസ് രജിസ്റ്റര്‍ ചെയ്ത് അന്വേഷണം തുടങ്ങിയിട്ടുണ്ടെന്ന് പൊലിസ് അറിയിച്ചു.