തിരുവനന്തപുരം: റീജിയനല്‍ കാന്‍സര്‍ അസോസിയേഷന്റെ മാധ്യമ പുരസ്‌കാരം സന്തോഷ് ശിശുപാലിന് (സീനിയര്‍ സബ് എഡിറ്റര്‍, മനോരമ ആരോഗ്യം). 2015 ഏപ്രില്‍ മാസം പ്രസിദ്ധീകരിച്ച കാന്‍സര്‍ ഒരു നിര്‍ഭാഗ്യമോ എന്ന ലേഖനത്തിനാണ് പുരസ്‌കാരം. 

മാധ്യമപ്രവര്‍ത്തകന്‍ പ്രഭാവര്‍മ, ആര്‍.സി.എ സെക്രട്ടറി ഡോ. ബാബുമാത്യു, ആര്‍.സി.സി പി.ആര്‍.ഒ സുരേന്ദ്രന്‍ ചുനക്കര എന്നിവരടങ്ങിയ സമിതിയാണ് പുരസ്‌കാര ജേതാവിനെ തിരഞ്ഞെടുത്തത്. 11,111 രൂപയുടെ ക്യാഷ് അവാര്‍ഡും ഫലകവും പ്രശസ്തി പത്രവും അടങ്ങുന്നതാണ് അവാര്‍ഡ്.

ഈ മാസം 31-ന് പുകയില വിരുദ്ധദിനത്തോടനുബന്ധിച്ച് റീജിയനല്‍ കാന്‍സര്‍ സെന്ററില്‍ നടക്കുന്ന ചടങ്ങില്‍ പുരസ്‌കാരം സമ്മാനിക്കുമെന്ന് ആര്‍.സി.എ സെക്രട്ടറി ഡോ. ബാബുമാത്യു വാര്‍ത്താസമ്മേളനത്തില്‍ പറഞ്ഞു.