കൊയിലാïി: സ്വകാര്യ വ്യക്തിയുടെ വീട്ടില്‍ നിന്ന് അനധികൃതമായി സൂക്ഷിച്ച 20,000 പാക്കറ്റ് ( 250 കിലോ) നിരോധിത പുകയില ഉല്‍പന്നങ്ങള്‍ കൊയിലാïി എക്‌സൈസ് സംഘം പിടികൂടി.
കൊയിലാïി മാപ്പിള ഹയര്‍ സെക്കന്‍ഡറി സ്‌കൂളിനു സമീപത്തുള്ള ഉപ്പാലക്കïി മുസ്തഫ (40) യുടെ വീട്ടില്‍ നിന്നാണ് പുകയില ഉല്‍പന്നങ്ങള്‍ പിടികൂടിയത്. പൊതുവിപണിയില്‍ നാലുലക്ഷത്തോളം രൂപ വില വരും. മംഗളൂരുവില്‍ നിന്ന് ട്രെയിന്‍ മാര്‍ഗം കൊയിലാïിയിലെത്തിച്ച് വില്‍പന നടത്തി വരികയായിരുന്നു. പരിശോധയില്‍ എക്‌സൈസ് ഇന്‍സ്പക്ടര്‍ പി. സജിത്കുമാര്‍, അസി. എക്‌സൈസ് ഇന്‍സ്‌പെക്ടര്‍ മനോഹരന്‍ പയ്യന്‍, പ്രിവന്റിവ് ഓഫിസര്‍മാരായ കെ.സി കരുണന്‍, പി. സുരേഷ്, സി. സുരേന്ദ്രന്‍, കെ.സി അമ്മദ്, കെ. മധുസൂദനന്‍, പി. റഷീദ്, എം.സി രഘുനാഥ് പങ്കെടുത്തു.