ഫറോക്ക്: സംസ്ഥാനത്തെ സാമ്പത്തിക വിദഗ്ധരുടെയും ഗവേഷകരുടെയും അധ്യാപകരുടെയും വിദ്യാര്‍ഥികളുടെയും കൂട്ടായ്മയായ കേരള ഇക്കണോമിക് അസോസിയേഷന്റെ രണ്ടാം വാര്‍ഷിക സമ്മേളനത്തിന് തുടക്കമായി. ഫാറൂഖ് കോളജില്‍ നടക്കുന്ന സമ്മേളനം സി.ഡി.എസ് ഡയരക്ടര്‍ അമിത് ഷോവണ്‍ റോയ് ഉദ്ഘാടനം ചെയ്തു. പ്രൊഫ. ഇരുദയരാജന്‍ അധ്യക്ഷനായി.
കഴിഞ്ഞ സമ്മേളത്തില്‍ അവതരിപ്പിച്ച പ്രമേയങ്ങളുടെ സമാഹാരം കാലിക്കറ്റ് യൂനിവേഴ്‌സിറ്റി വൈസ് ചാന്‍സിലര്‍ പ്രൊഫ. മുഹമ്മദ് ബഷീര്‍ പ്രകാശനം ചെയ്തു. സമ്മേളന ന്യൂസ്‌ലെറ്റര്‍ പ്രൊഫ. കുഞ്ഞാമന്‍ പ്രകാശനം ചെയ്തു.
സിന്‍ഡിക്കേറ്റംഗം ടി.പി അഹമ്മദ്, പ്രിന്‍സിപ്പല്‍ പ്രൊഫ. ഇ.പി ഇമ്പിച്ചിക്കോയ, കോളജ് മാനേജ്‌മെന്റ് സെക്രട്ടറി കെ.വി കുഞ്ഞഹമ്മദ് കോയ, മാനേജര്‍ അഡ്വ. എം. മുഹമ്മദ് സംസാരിച്ചു.