മുട്ടില്‍: മുട്ടില്‍ ഡബ്ല്യു.എം.ഒ സ്‌കൂളില്‍ നടപ്പിലാക്കുന്ന കരുത്തോടെ കരുതലോടെ എന്ന നവ ദീപ്തി പദ്ധതിയുടെ എട്ടിന കര്‍മ്മ പരിപാടികള്‍ സി.കെ ശശീന്ദ്രന്‍ എം.എല്‍.എ ഉദ്ഘാടനം ചെയ്തു. വിദ്യാലയത്തില്‍ നിന്നും വിരമിക്കുന്ന അധ്യാപകരെ ഡബ്ല്യു.എം.ഒ ജന.സെക്രട്ടറി എം.എ മുഹമ്മദ് ജമാല്‍ ആദരിച്ചു. പി.ടി.എ പ്രസിഡന്റ് ലത്തീഫ് അധ്യക്ഷനായി. ഹൃദയപൂര്‍വം പദ്ധതിയുടെ ധനസഹായം മുട്ടില്‍ ഗ്രാമ പഞ്ചായത്ത് വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ എന്‍.ബി ഫൈസല്‍ വിതരണം ചെയ്തു. മുജീബ് റഹ്മാന്‍ ഫൈസി ഉപഹാരം നല്‍കി. റിയ ഫാത്തിമ ദേശഭക്തിഗാനം ആലപിച്ചു. മോളി കെ ജോര്‍ജ്ജ്, മദര്‍ പി.ടി.എ പ്രസിഡന്റ് സ്വപ്ന പ്രജീഷ്, കെ നസീര്‍, എം അഷ്‌റഫ്, ഇ.കെ റസാഖ്, എ.പി കൃഷ്ണന്‍കുട്ടി, സീന റഫീഖ്, താജുന്നിസ എം അബ്ദുല്ല, പി അബ്ദുല്ല സംസാരിച്ചു.