കരുളായി: കരുളായി ഉള്‍വനത്തിലെ മാഞ്ചീരിയില്‍ സോളാര്‍ വിളക്കുകള്‍ തെളിഞ്ഞു. ഐ.ടി.ഡി.പിയാണ് ഇവിടത്തെ നാലു വീടുകള്‍ വൈദ്യുതീകരിച്ചത്. ഓരോ വീടിനും നാലു ബള്‍ബുകളും ഒരു ഫാനുമാണ് നല്‍കിയിട്ടുള്ളത്. നാലു വീടിനും സൗരോര്‍ജ പാനലും ബാറ്ററിയും നല്‍കിയിട്ടു@ണ്ട്. ഒരു യൂനിറ്റിന് 24,689 രൂപ ചെലവുവന്നതായി അധികൃതര്‍ പറഞ്ഞു. കരുളായിയില്‍നിന്നു 25കിലോമീറ്റര്‍ അകലെയാണ് മാഞ്ചീരി. കാലങ്ങളായുള്ള ചോലനായ്ക്കരുടെ ആവശ്യമാണ് ഇതോടെ യാഥാര്‍ഥ്യമായത്. കരുളായി ഗ്രാമപഞ്ചായത്ത് പ്രസിഡന്റ് വി. അസൈനാര്‍ ഉദ്ഘാടനം ചെയ്തു. പഞ്ചായത്തംഗം ലിസി ജോസ് അധ്യക്ഷയായി. ഐ.ടി.ഡി.പി പ്രൊജെക്ട് ഓഫിസര്‍ ഇന്‍ ചാര്‍ജ് അനന്തകൃഷ്ണന്‍, ഡെപ്യൂട്ടി റെയ്ഞ്ചര്‍മാരായ ഡി. ഹരിലാല്‍, പി. അബ്ദുല്‍ ഗഫൂര്‍, ടി.ഇ.ഒ അനീഷ് സംബന്ധിച്ചു.