തിരൂര്‍: ഏഴൂരിലെയും പരിസര പ്രദേശങ്ങളിലെയും 30 മഹല്ലുകളെ ഉള്‍പ്പെടുത്തി കൂട്ടായ്മയ്ക്ക് രൂപം നല്‍കി. ഏഴൂര്‍ ജുമാമസ്ജിദ് പരിസരത്ത് ചേര്‍ന്ന കൂട്ടായ്മ ഏഴൂര്‍ ജുമാമസ്ജിദ് ഖത്വീബ് സൈനുദ്ദീന്‍ ഫൈസി ഉദ്ഘാടനം ചെയ്തു. ഏഴൂര്‍ മഹല്ല് മുത്തവല്ലി പൊട്ടച്ചോല ബീരാന്‍കുട്ടി ഹാജി എന്ന കുഞ്ഞുഹാജി അധ്യക്ഷനായി. പുല്ലൂര്‍ മഹല്ല് പ്രസിഡന്റ് അബ്ദുള്ളക്കോയ തങ്ങള്‍ പ്രാര്‍ഥന നടത്തി. കൂട്ടായ്മയയുടെ സെക്രട്ടറി ഗഫൂര്‍ പൊട്ടച്ചോല, കൂട്ടായ്മ പ്രസിഡന്റ് പാലക്കല്‍ റാഫി ഹാജി ഇരിങ്ങാവൂര്‍, വി അബ്ദുറഹ്മാന്‍ ഹാജി പാലക്കല്‍, കല്ലിങ്ങല്‍ മുഹമ്മദ്കുട്ടി സംസാരിച്ചു.