കോട്ടക്കല്‍: രോഗനിര്‍ണയത്തില്‍ ഡോക്ടര്‍മാര്‍ക്കുള്ള വെദഗ്ധ്യം വര്‍ധിപ്പിക്കുന്നതിനു ഏകദിന പ്രായോഗിക ഇസിജി പരിശീലനം നാളെ കോട്ടക്കല്‍ ആസ്റ്റര്‍ മിംസില്‍ നടക്കും. കോട്ടക്കലിലെയും വടക്കന്‍ കേരളത്തിലെ മറ്റു ജില്ലകളിലേയും ഡോക്ടര്‍മാരെ ഉദ്ദേശിച്ചുള്ളതാണു പരിശീലന പരിപാടി. എല്ലാ വിഭാഗങ്ങളിലും നിന്നുള്ള ജനറല്‍ പ്രാക്ടീഷണര്‍മാര്‍, എമര്‍ജന്‍സി ഫിസിഷ്യന്മാര്‍, ജനറല്‍ ഫിസിഷ്യന്മാര്‍, ഫാമിലി ഫിസിഷ്യന്മാര്‍, ഇന്റന്‍സിവിസ്റ്റുകള്‍, പള്‍മണോളജിസ്റ്റുകള്‍, അനസ്‌തേഷ്യോളജിസ്റ്റുകള്‍, ഇന്റേണ്‍സ്, പോസ്റ്റ് ഗ്രാജ്വേറ്റുകാര്‍ എന്നിവര്‍ക്ക് പരിശീലന പരിപാടിയില്‍ രജിസ്റ്റര്‍ ചെയ്യാവുന്നതാണ്. രജിസ്‌ട്രേഷന്‍ സൗജന്യമായിരിക്കും.