പെരിന്തല്‍മണ്ണ: പെരിന്തല്‍മണ്ണ നഗരസഭയില്‍ പതിമൂന്നാം പഞ്ചവത്സര പദ്ധതിക്കുള്ള ഒരുക്കങ്ങള്‍ ആരംഭിച്ചു. പദ്ധതി നടത്തിപ്പിന്റെ ഭാഗമായി ഉള്ള വര്‍ക്കിങ് ഗ്രൂപ്പുകളുടെ യോഗം മൂസക്കുട്ടി സ്മാരക ടൗണ്‍ ഹാളില്‍ നടന്നു.
നഗരസഭാ അധ്യക്ഷന്‍ എം. മുഹമ്മദ് സലീം ഉദ്ഘാടനം ചെയ്തു. സ്ഥിരംസമിതി അധ്യക്ഷന്‍ കിഴിശ്ശേരി മുസ്തഫ അധ്യക്ഷനായി.
പദ്ധതി സംബന്ധിച്ച നയ രേഖ മുനിസിപ്പല്‍ ആസൂത്രണ സമിതി വൈസ് ചെയര്‍മാന്‍ എം.കെ ശ്രീധരന്‍ അവതരിപ്പിച്ചു.നഗരസഭാ ഉപാധ്യക്ഷ നിഷി അനില്‍ രാജ്, സ്ഥിരംസമിതി അധ്യക്ഷന്‍ന്മാരായ പത്തത്ത് ആരിഫ്, എ. രതി, പി.ടി ശോഭന, പ്രതിപക്ഷ നേതാവ് താമരത്ത് ഉസ്മാന്‍, സെക്രട്ടറി കെ.പ്രമോദ്, കെ.പി ജയേന്ദ്രന്‍, സ്ഥിരംസമിതി അധ്യക്ഷന്‍ കെ.സി മൊയ്തീന്‍കുട്ടി സംസാരിച്ചു.