ടോക്യോ: 2020ലെ ടോക്യോ ഒളിംപിക്‌സിലെ ജേതാക്കള്‍ക്ക് നല്‍കാനുള്ള മെഡലുകള്‍ നിര്‍മിക്കുന്നത് പാഴ്‌വസ്തുക്കള്‍ സംസ്‌കരിച്ച്.
ഉപയോഗം കഴിഞ്ഞുപേക്ഷിച്ച മൊബൈല്‍ ഫോണുകള്‍ വീട്ടുപകരണങ്ങളടക്കമുള്ള പാഴ്‌വസ്തുക്കളില്‍ നിന്നു നിര്‍മിക്കാനാണു സംഘാടക സമിതിയുടെ തീരുമാനം. പാഴ്‌വസ്തുക്കള്‍ ജപ്പാനിലുടനീളം സഞ്ചരിച്ച് ജനങ്ങളില്‍ നിന്നു സമാഹരിക്കാനാണു പദ്ധതി.
ഇത്തരം പാഴ്‌വസ്തുക്കളില്‍ നിന്നു എട്ടു ടണ്‍ ലോഹം സമാഹരിക്കാം. 40 കിലോ സ്വര്‍ണം, 2,920 കിലോ വെള്ളി, 2,994 കിലോ വെങ്കലം എന്ന കണക്കിലാണ് ലോഹം സമാഹരിക്കാന്‍ കമ്മിറ്റി പദ്ധതി ആവിഷ്‌കരിച്ചിരിക്കുന്നത്.