വെള്ളാങ്ങല്ലൂര്‍:   കരുമാത്ര ഗവണ്‍മെന്റ് യൂ.പി സ്‌കൂളില്‍ സേനഹപൂര്‍വം സുപ്രഭാതം ആരംഭിച്ചു. ചടങ്ങില്‍ സുപ്രഭാതം അസിസ്റ്റന്റ് സര്‍ക്കുലേഷന്‍ മാനേജര്‍ സുഹൈല്‍ കടലായി പദ്ധതി വിശദീകരിച്ചു. കരിപ്പാക്കുളം കുഞ്ഞി ബീരന്‍ സ്‌പോണ്‍സര്‍ ചെയ്ത പത്രം സ്‌കൂള്‍ ലീഡര്‍ക്ക് സുപ്രഭാതം പ്രതിനിധികള്‍ കൈമാറി. പ്രിന്‍സിപ്പല്‍ ശോഭ പി മേനോന്‍, സുപ്രഭാതം എക്‌സിക്യൂട്ടീവ് നിയാസ് അഹ്മ്മദ്, എസ്.എം.സി ചെയര്‍മാന്‍ ടി.കെ ശറഫുദ്ദീന്‍, പി.ബി ഷാജഹാന്‍ മൗലവി, അലിയാര്‍, അഫ്‌സല്‍ തുടങ്ങിയവര്‍ സംബന്ധിച്ചു. തുടര്‍ന്ന് റിപബ്ലിക് ദിനത്തില്‍ നടന്ന ചിത്ര രചന മത്സരത്തിലെ വിജയികള്‍ക്ക് സമ്മാനദാനവും നടന്നു.