ചങ്ങനാശ്ശേരി: യുവതിയെ സമൂഹ മാധ്യമങ്ങളിലൂടെ അപകീര്‍ത്തിപ്പെടുത്തിയതിന് നടന്‍ ഉണ്ണിമുകുന്ദനെതിരേ തൃക്കൊടിത്താനം പൊലിസ് കേസെടുത്തു. യുവതിയുടെ പിതാവ് ജില്ല പൊലിസ് മേധാവിക്ക് നല്‍കിയ പരാതിയെത്തുടര്‍ന്നാണ് നടപടി.
അനുവാദമില്ലാതെ ഓണ്‍ലൈന്‍ മാധ്യമങ്ങളിലുടെയും സമൂഹ മാധ്യമങ്ങളിലും ചിത്രം പ്രദര്‍ശിപ്പിച്ചതിനെതിരേ ഉണ്ണി മുകുന്ദന്‍ ഉള്‍പെടെ മൂന്നുപേര്‍ക്കെതിരേ കേസെടുത്തതായി തൃക്കൊടിത്താനം എസ്.ഐ പറഞ്ഞു.