ന്യൂഡല്‍ഹി:ഇന്ത്യയിലെ മികച്ച 10 പൊലിസ് സ്റ്റേഷനുകളില്‍ ഒന്ന് കണ്ണൂര്‍ ജില്ലയിലെ വളപട്ടണം പൊലിസ് സ്റ്റേഷനും.
ഡല്‍ഹിയില്‍ ആഭ്യന്തര മന്ത്രി രാജ്‌നാഥ് സിങ്ങാണ് വളപട്ടണം സ്റ്റേഷനെ മികച്ച പൊലിസ് സ്റ്റേഷനായി തെരഞ്ഞെടുത്ത് പ്രഖ്യാപനം നടത്തിയത്. പൊലിസ്റ്റേഷനുകളില്‍ ഒമ്പതാം സ്ഥാനമാണ് വളപട്ടണം സ്റ്റേഷന്.
മികച്ച പ്രവര്‍ത്തനമാണ് മികവിന് അടിസ്ഥാനമാക്കിയത്. കുറ്റാന്വേഷണ മികവ്, ക്രസമാധാന രംഗത്തെ ജാഗ്രത, കേസുകള്‍ കൈകാര്യം ചെയ്യുന്ന രീതി, ജനങ്ങളുമായുള്ള ബന്ധം, ശുചിത്വം തുടങ്ങി മുപ്പതോളം ഘടകങ്ങളെ അടിസ്ഥാനമാക്കിയാണ് വളപട്ടണവും മികച്ച സ്റ്റേഷനുകളുടെ പട്ടികയിലെത്തിച്ചത്. കഴിഞ്ഞ ആറുമാസത്തെ വളപട്ടണം സ്റ്റേഷന്റെ പ്രവര്‍ത്തനത്തെ കേന്ദ്ര സംഘം നിരീക്ഷിച്ചുവരികയായിരുന്നു.