തൃശൂര്‍: കലാ-കായിക-ശാസ്ത്ര ഉത്സവങ്ങളിലെ പ്രതിഭകളെ പങ്കെടുപ്പിച്ച് ഈ വര്‍ഷം മുതല്‍ സര്‍ഗ സംഗമം സംഘടിപ്പിക്കുമെന്ന് വിദ്യാഭ്യാസമന്ത്രി പ്രൊ. രവീന്ദ്രനാഥ്. സര്‍ഗ പ്രതിഭകളെ അവരുടെ മേഖലയില്‍ ലോകത്തിന് മുതല്‍ക്കൂട്ടാക്കുക എന്ന സങ്കല്‍പ്പത്തിന്റെ അടിസ്ഥാനത്തിലാണ് ഇത്തരമൊരു പദ്ധതി നടപ്പാക്കുന്നതെന്നും അദ്ദേഹം പറഞ്ഞു. 58ാമത് സംസ്ഥാന സ്‌കൂള്‍ കലോത്സവത്തില്‍ അധ്യക്ഷ പ്രസംഗം നടത്തുകയായിരുന്നു അദ്ദേഹം.