കോഴിക്കോട്: സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിനു കീഴില്‍ പ്രവര്‍ത്തിച്ചു വരുന്ന സംസ്ഥാനത്തെ അല്‍ബിര്‍റ് പ്രീ സ്‌കൂളുകളിലെ വിദ്യാര്‍ഥികള്‍ക്കായി നടത്തുന്ന കിഡ്‌സ് ഫെസ്റ്റിന് അന്തിമരൂപമായി. എട്ടു മേഖലകളിലായാണ് ഫെസ്റ്റ് നടത്തുന്നത്.
എ സോണ്‍ കാസര്‍കോട് മേഖല ഫെസ്റ്റ് ജനവരി 11ന് കാഞ്ഞങ്ങാട് കുണിയ ശറഫുല്‍ ഇസ്‌ലാമിലും ബി സോണ്‍ കണ്ണൂര്‍ മേഖലാ ഫെസ്റ്റ് ജനുവരി 10ന് ഇരിക്കൂര്‍ പെടയങ്കോട് അന്‍വാറുല്‍ ഇസ്‌ലാമിലുംനടക്കും. സി സോണ്‍ ഫെസ്റ്റ് ജനുവരി 20 ന് പാറക്കടവ് ശംസുല്‍ ഉലമ ഇസ്‌ലാമിക് സെന്ററിലും ഡി സോണ്‍ ജനുവരി 13ന് മാവൂര്‍ താത്തൂര്‍ അല്‍ ബിര്‍റിലും ഇ സോണ്‍ഫെസ്റ്റ് ജനുവരി 23 ന് കോടമ്പുഴ അല്‍ബിര്‍റിലും എഫ് സോണ്‍ ജനുവരി 17 ന് മലപ്പുറം വേങ്ങര അല്‍ബിര്‍റിലും നടക്കും. ജി സോണ്‍ ജനുവരി 20 ന് പാലക്കാട് കരിമ്പ അല്‍ബിര്‍റിലും സൗത്ത് സോണ്‍ ജനുവരി 23 ന് എറണാകുളം പേഴക്കാപ്പിളളിയിലും നടക്കും.