കോട്ടക്കല്‍: രാജാസ് ഗവ. സ്‌കൂള്‍ മൈതാനത്ത് തീപടര്‍ന്നു. സ്‌കൂളിനു സമീപത്തെ വിശാലമായ മൈതാനത്തുള്ള ഞാവല്‍ മരങ്ങളിലും സമീപത്തുമാണ് തീപടര്‍ന്നത്. ഇന്നലെ സ്‌കൂളിലെത്തിയ വിദ്യാര്‍ഥികളാണ് ഇവിടെനിന്നും പുക ഉയരുന്നത് ശ്രദ്ധിച്ചത്. തുടര്‍ന്ന് തീയണക്കാന്‍ ശ്രമിച്ചെങ്കിലും വെള്ളമില്ലാത്തത് കാരണം നിര്‍ത്തിവച്ചു. വിവരമറിയിച്ചതിനെ തുടര്‍ന്ന് തിരൂരില്‍നിന്നെത്തിയ അഗ്നിശമന സേനയാണ് പൂര്‍ണമായും അണച്ചത്. അര്‍ധരാത്രിയില്‍ മൈതാനത്ത് സാമൂഹ്യവിരുദ്ധരുടെ അഴിഞ്ഞാട്ടം വര്‍ധിച്ചിട്ടുണ്ട്. ലഹരി ഉപയോഗവും വില്‍പ്പനയും തകൃതിയായി നടക്കുന്നിടമാണ് ഇവിടെ.