തെഹ്‌റാന്‍: ഇറാനിലുണ്ടായ ഹിമപാതത്തില്‍ മൂന്നു പേര്‍ മരിച്ചു. സംഭവത്തില്‍ രണ്ടു പേര്‍ക്ക് പരുക്കേല്‍ക്കുകയും ചെയ്തു. വെള്ളിയാഴ്ച ദമവാദിലാണ് സംഭവം. വാഹനങ്ങള്‍ക്ക് മുകളിലേക്ക് മഞ്ഞുമല ഇടിഞ്ഞുവീഴുകയായിരുന്നു. നിരവധി വാഹനങ്ങള്‍ മഞ്ഞിനടിയില്‍ അകപ്പെട്ടതായി തെഹ്‌റാന്‍ പ്രൊവിന്‍ഷ്യല്‍ ഡെപ്യൂട്ടി ഗവര്‍ണര്‍ ഹസന്‍ കരിമി പറഞ്ഞു.

സുരക്ഷാ പ്രവര്‍ത്തകര്‍ നടത്തിയ തെരച്ചിലില്‍ നാലു വാഹനങ്ങള്‍ പുറത്തെടുത്തു. രക്ഷാപ്രവര്‍ത്തനങ്ങള്‍ പുരോഗമിച്ചുവരികയാണ്. കനത്ത മഞ്ഞുവീഴ്ച്ചയെ തുടര്‍ന്ന് 5200 യാത്രക്കാരെയാണ് സുരക്ഷിത കേന്ദ്രങ്ങളിലേക്ക് മാറ്റിയിരിക്കുന്നത്. വ്യാഴാഴ്ച മുതലാണ് ദമവാദില്‍ മഞ്ഞുവീഴ്ച ശക്തമായിരിക്കുന്നത്.