മേപ്പാടി: ഒരു വിഭാഗം കെ.എസ്.ആര്‍.ടി.സി ജീവനക്കാര്‍ ഇന്നലെ നടത്തിയ പണിമുടക്കില്‍ വലഞ്ഞ് ചൂരല്‍മല നിവാസികള്‍. കെ.എസ്.ആര്‍.ടി.സി ബസുകള്‍ കൂടുതല്‍ സര്‍വീസ് നടത്തുന്ന റൂട്ടുകളില്‍ ഒന്നാണിത്. ജനങ്ങള്‍ തിങ്ങിപാര്‍ക്കുന്ന ചൂരല്‍മല, മുണ്ടക്കൈ, അട്ടമല എന്നിവിടങ്ങളിലേക്ക് നിരവധി ബസുകളാണ് ദിവസവും സര്‍വ്വീസ് നടത്തുന്നത്. എന്നാല്‍ സമരം കാരണം ഇന്നലെ രണ്ട് ബസുകള്‍ മാത്രമാണ് സര്‍വീസ് നടത്തിയത്. ഇതോടെ വാഹനങ്ങള്‍ ലഭിക്കാതെ ആളുകള്‍ വലഞ്ഞു. വിദ്യാര്‍ഥികളാണ് കൂടുതല്‍ വലഞ്ഞത്. ഈ റൂട്ടിലെ വിദ്യാര്‍ഥികള്‍ അധികവും കെ.എസ്.ആര്‍.ടി.സി ബസുകളെയാണ് കാര്യമായി ആശ്രയിക്കുന്നത്. കെ.എസ്.ആര്‍.ടി.സിക്ക്. ഏറ്റവുംകൂടുതല്‍ കണ്‍സഷന്‍ കാര്‍ഡുകളുള്ള റൂട്ടുകൂടിയാണിത്.