പ്രമുഖ ചൈനീസ് ഓണ്‍ലൈന്‍ വ്യാപാര സൈറ്റായ ആലിബാബ ആസ്‌ട്രേലിയയിലേക്കും ന്യൂസിലന്റിലേക്കും പ്രവര്‍ത്തനം വ്യാപിപ്പിക്കുന്നു. ഇതിന്‍റെ ഭാഗമായി മെല്‍ബണില്‍ ആലിബാബയുടെ ഹെഡ്ക്വാര്‍ട്ടേഴ്‌സ് ശനിയാഴ്ച പ്രവര്‍ത്തനം ആരംഭിക്കും.

ആസ്‌ട്രേലിയയിലെയും ന്യൂസിലന്റിലെയും ആഭ്യന്തര വ്യാപാരം വര്‍ധിപ്പിക്കുക വഴി ആലിബാബ ഗ്രൂപ്പിന്റെ ആഗോളഘടന മാറ്റുകയാണ് ലക്ഷ്യമെന്ന് ഗ്രൂപ്പിന്റെ ആസ്‌ട്രേലിയയിലെയും ന്യൂസിലന്റിലെയും മാനേജിംഗ് ഡയറക്ടര്‍ മാഗി സോ പറഞ്ഞു.

ആസ്‌ട്രേലിയന്‍ പ്രധാനമന്ത്രി മാല്‍ക്കം ട്രംബൂളുമായി സിഡ്‌നിയില്‍ വെള്ളിയാഴ്ച നടത്തിയ കൂടിക്കാഴ്ചയില്‍ ചെറുതും ഇടത്തരവുമായ സംരംഭങ്ങള്‍ വ്യാപിപ്പിക്കാനാവശ്യമായ കാര്യങ്ങള്‍ ചര്‍ച്ച ചെയ്തുവെന്നും മാഗി സോ പറഞ്ഞു.