പനജി: കളി കഴിഞ്ഞതിന് ശേഷമായിരിക്കും കളിയിലെ വില്ലനേയും ഹീറോയേയും എല്ലാം അറിയുക. എന്നാല്‍ കളി തുടങ്ങുന്നതിന് മുമ്പ് തന്നെ താരമായിരിക്കുകയാണ് ടീം നിയന്ത്രിക്കുന്ന റഫറി. ഗോവയില്‍ കളി നിയന്ത്രിക്കാന്‍ റഫറി എത്താത്തിരുന്നപ്പോള്‍ മത്സരം മാറ്റിവെച്ചതാണ് റഫറിയെ താരമാക്കിയത്.
ഗോവന്‍ ഫുട്‌ബോള്‍ അസോസിയേഷന്‍ നടത്തുന്ന അണ്ടര്‍ 20 ഗോവ ലീഗിലാണ് റഫറിമാര്‍ എത്താത്തിനെ തുടര്‍ന്ന് മത്സരം മാറ്റിവെച്ചത്. അധികൃതര്‍ റഫറിമാരെ മത്സരം അറിയിക്കാത്തതിനെ തുടര്‍ന്നാണെത്രെ റഫറിമാര്‍ എത്താതിരുന്നത്. ഡെംപോ എഫ്. സിയും വാസ്‌കോ എഫ്. സിയും തമ്മില്‍ ദുലെര്‍ സ്റ്റേഡിയത്തില്‍ നടത്താനിരുന്ന മത്സരമാണ് മാറ്റിവെച്ചത്.