ഫറോക്ക്: ബേപ്പൂര്‍ ഫിഷിങ് ഹാര്‍ബറിനു സമീപത്തെ മാലിന്യക്കൂമ്പാരത്തിനു തീപിടിച്ചു. ഇന്നലെ ഉച്ചയ്ക്ക് ഒന്നോടെയാണു സംഭവം.
ഹാര്‍ബര്‍ പള്ളിക്കു സമീപത്ത് മത്സ്യം സൂക്ഷിക്കുന്ന പെട്ടിയുടെ മാലിന്യവും മറ്റു വസ്തുക്കളും കൂട്ടിയിട്ടതിനാണു തീപിടിച്ചത്. തീ ഉയരത്തില്‍ ആളിപ്പടര്‍ന്നതോടെ ഹാര്‍ബറില്‍നിന്നും മറ്റുമായി നാട്ടുകാരെത്തി അണക്കാന്‍ ശ്രമിച്ചു. ഹാര്‍ബറിലേക്കു പടര്‍ന്ന തീ ഫയര്‍ഫോഴ്‌സെത്തി അണച്ചതിനാല്‍ വന്‍ദുരന്തം ഒഴിവായി. മീഞ്ചന്ത, ബീച്ച് എന്നീ ഫയര്‍‌സ്റ്റേഷനുകളില്‍ നിന്നായി രണ്ട് യൂനിറ്റെത്തിയാണു തീ പൂര്‍ണമായി അണച്ചത്.