ലണ്ടന്‍: ഇംഗ്ലീഷ് പ്രീമിയര്‍ ലീഗില്‍ സ്വാന്‍സീക്കെതിരേ മാഞ്ചസ്റ്റര്‍ സിറ്റിക്ക് ജയം. ഒന്നിനെതിരേ രണ്ടു ഗോളുകള്‍ക്കായിരുന്നു ജയം. ഗബ്രിയേല്‍ ജീസസിന്റെ ഇരട്ട ഗോളുകളായിരുന്നു സിറ്റിയുടെ ജയത്തിന് പിന്നില്‍. എന്നാല്‍ സ്വാന്‍സീ മത്സരത്തില്‍ തകര്‍പ്പന്‍ പോരാട്ടമാണ് കാഴ്ച്ചവച്ചത്. അധികസമയത്ത് ജീസസ് ഗോള്‍ നേടിയിരുന്നില്ലെങ്കില്‍ സമനിലയില്‍ കുരുങ്ങുമായിരുന്നു സിറ്റി.
11ാം മിനുട്ടിലാണ് സിറ്റി അക്കൗണ്ട് തുറന്നത്. പിന്നീട് ഇരുടീമുകളും വേണ്ടത്ര ഗോള്‍ ശ്രമങ്ങള്‍ പുറത്തെടുത്തില്ല. ഇതോടെ മത്സരം വിരസമായി 81ാം മിനുട്ടില്‍ ഗൈഫി സിഗൂര്‍ഡ്‌സന്‍ അപ്രതീക്ഷിതമായി ഗോള്‍ നേടിയതോടെ സ്വാന്‍സി മത്സരത്തില്‍ പിടിമുറുക്കി. എന്നാല്‍ 90ാ മിനുട്ടില്‍ ജീസസിന്റെ ഗോളില്‍ രക്ഷപ്പെടുകയായിരുന്നു സിറ്റി.