ന്യൂഡല്‍ഹി: കഴിഞ്ഞ വര്‍ഷം അതിര്‍ത്തിയിലുണ്ടായ ഏറ്റുമുട്ടലില്‍ 138 പാക് സൈനികര്‍ക്ക് ജീവഹാനി നേരിട്ടതായി രഹസ്യാന്വേഷണ വിഭാഗത്തിന്റെ റിപ്പോര്‍ട്ട്. കശ്മിരിലെ അതിര്‍ത്തിയില്‍ വെടിനിര്‍ത്തല്‍ കരാര്‍ ലംഘിച്ച് നടത്തിയ ഏറ്റുമുട്ടല്‍, അതിര്‍ത്തിയിലേക്കുള്ള കടന്നുകയറ്റത്തിനെതിരായ ഇന്ത്യന്‍ സൈന്യത്തിന്റെ ചെറുത്ത് നില്‍പ് എന്നിവയിലൂടെയാണ് പാക് സൈനികര്‍ കൊല്ലപ്പെട്ടതെന്നും റിപ്പോര്‍ട്ടില്‍ പറയുന്നു. ആക്രമണത്തില്‍ 28 ഇന്ത്യന്‍ സൈനികര്‍ക്കും ജീവഹാനി നേരിട്ടിട്ടുണ്ട്.