ഇസ്‌ലാമാബാദ്: അമേരിക്കയില്‍ നിന്ന് എഫ് 16 വിമാനങ്ങള്‍ വാങ്ങാനുള്ള പാകിസ്താന്റെ ശ്രമം പാളി. മെയ് 24നകം പര്‍ച്ചേഴ്‌സ് ഓര്‍ഡര്‍ നല്‍കാന്‍ കഴിയാത്തതോടെയാണ് 700 ദശലക്ഷം ഡോളറിന്റെ പദ്ധതി പരാജയപ്പെട്ടതെന്ന് പാക് ദിനപത്രം ദി ഡോണ്‍ റിപ്പോര്‍ട്ട് ചെയ്തു. പദ്ധതിയ്‌ക്കെതിരേ  ഇന്ത്യ ശക്തമായി രംഗത്തുവന്നിരുന്നു. നേരത്തെ എഫ് 16 ഇടപാടില്‍ പാകിസ്താന് സബ്‌സിഡി നല്‍കില്ലെന്ന് അമേരിക്ക വ്യക്തമാക്കിയിരുന്നു. ഹഖാനി ശൃംഖലയ്‌ക്കെതിരേ പാകിസ്താന്‍ നടപടിയെടുക്കാത്തതില്‍ പ്രതിഷേധിച്ച് യു.എസ് കോണ്‍ഗ്രസ് ഇടപാടിനെ എതിര്‍ത്തിരുന്നു.