തളിപ്പറമ്പ്: പരിയാരം ഗവ. ആയുര്‍വേദ കോളജില്‍ രജതജൂബിലി ആഘോഷങ്ങളോടനുബന്ധിച്ച് രജത മെഗാ ആയുര്‍വേദ എക്‌സ്‌പോയ്ക്ക് ഇന്ന് തുടക്കമാകും. നാളെ രാവിലെ 10ന് നിയമസഭാ സ്പീക്കര്‍ പി. ശ്രീരാമകൃഷ്ണന്‍ ഔദ്യോഗികമായി ഉദ്ഘാടനം ചെയ്യും. ആര്‍ക്കിയോളജി, ജയില്‍ വകുപ്പ്, അഗ്നിശമന സേന, കേരള പൊലിസ്, സി.ആര്‍.പി.എഫ്, ശാസ്ത്ര സാഹിത്യ പരിഷത്ത്, കൃഷിവിജ്ഞാന്‍ കേന്ദ്ര, നിഫ്റ്റ്, ഫോക് ലോര്‍ അക്കാദമി, ഔഷധി, പറശിനിക്കടവ് ആയുര്‍വേദ മെഡിക്കല്‍ കോളജ് തുടങ്ങിയവയുടെ അമ്പതോളം സ്റ്റാളുകളാണ് എക്‌സ്‌പോയില്‍ ഒരുക്കുന്നത്. എല്ലാ ദിവസങ്ങളിലും വൈകുന്നേരങ്ങളില്‍ കലാസന്ധ്യയും സംഘടിപ്പിക്കും.