പയ്യന്നൂര്‍: കൊറ്റി റെയില്‍വേ പാലത്തിന് സമീപം പഴയ ഗേറ്റിനടുത്ത് വര്‍ക്ക്‌ഷോപ്പ് കത്തിനശിച്ചു. തൃക്കരിപ്പൂര്‍ എടച്ചാക്കൈ സ്വദേശി പ്രമോദിന്റെ ഉടമസ്ഥതയിലുള്ള പെരുമാള്‍ ഓട്ടോ വര്‍ക്ക്‌ഷോപ്പാണ് അഗ്‌നിക്കിരിയായത്. വര്‍ക്ക് ഷോപ്പിനകത്തെ കംപ്രസര്‍, ഓയില്‍ നിറച്ച രണ്ട് ടാങ്കുകള്‍, സ്‌പെയര്‍ പാര്‍ട്‌സുകള്‍ എന്നിവ പൂര്‍ണമായും കത്തിനശിച്ചു. മുറിയുടെ കോണ്‍ക്രീറ്റ് ഭാഗവും കത്തി. പ്രഭാത സവാരിക്കിറങ്ങിയവരാണ് ഫയര്‍ഫോഴ്‌സിനെ വിവരമറിയിച്ചത്. ഒന്നരലക്ഷം രൂപയുടെ നഷ്ടം കണക്കാക്കി. ഷോര്‍ട്ട് സര്‍ക്യൂട്ടാണ് അപകടകാരണമെന്നാണ് പ്രാഥമിക നിഗമനം.