പഴയങ്ങാടി: കമ്പവലി പരിശീലിക്കുന്നതിനിടെ കെ.എസ്.യു പ്രവര്‍ത്തകനെ മര്‍ദിച്ചതായി പരാതി. മാടായി കോളജിലെ മൂന്നാം വര്‍ഷ ഡിഗ്രി വിദ്യാര്‍ഥിയും കെ.എസ്.യു പ്രവര്‍ത്തകനുമായ കരിപ്പാലിലെ അക്ഷയ് കൃഷ്ണനാ(18)ണ് മര്‍ദനമേറ്റത്. ഇന്നലെ വൈകുന്നേരം മൂന്നിന് കോളജ് മൈതാനത്ത് കമ്പവലി പരിശീലിക്കുന്നതിനിടെ എസ്.എഫ്.ഐ പ്രവര്‍ത്തകര്‍ മര്‍ദിച്ചുവെന്നാണ് പരാതി. കഴിഞ്ഞ ദിവസം കോളജില്‍ ഒരു എസ്.എഫ്.ഐ പ്രവര്‍ത്തകന് മര്‍ദനമേറ്റിരുന്നു. ഇതിന്റെ വൈരാഗ്യത്താല്‍ അക്ഷയ് കൃഷ്ണനെ മര്‍ദിച്ചുവെന്നാണ് പരാതി. തളിപ്പറമ്പിലെ സ്വകാര്യ ആശുപത്രിയില്‍ ചികില്‍സ തേടി.