ഉരുവച്ചാല്‍: വടകരയില്‍ ഉളിയില്‍ സ്വദേശികള്‍ സഞ്ചരിച്ച കാര്‍ ബസുമായി കൂട്ടിയിടിച്ച് അപകടം. കുട്ടികള്‍ ഉള്‍പ്പെടെ ഏഴുപേര്‍ക്ക് പരുക്ക്. ഇന്നലെ പുലര്‍ച്ചെയോടെയായിരുന്നു അപകടം. പരുക്കേറ്റ സി.പി റുഖിയ(50), ഖദീജ(24), ഫാസില്‍(22), സലീജ(23), ഫാത്തിമ(4), അമീന(3), റാഫിന്‍(2) എന്നിവരെ പരുക്കുകളോടെ കോഴിക്കോട് ബേബി മെമ്മോറിയല്‍ ആശുപത്രിയില്‍ പ്രവേശിപ്പിച്ചു. വട്ടോളിയിലെ കുടുംബ വീട്ടില്‍ പോയി ഉളിയിലേക്ക് തിരിച്ചുവരവെയാണ് കുടുംബം സഞ്ചരിച്ച കാറില്‍ എതിരേ വന്ന ബസ് ഇടിച്ചത്.