കാക്കനാട്: തൃക്കാക്കര റെയിഞ്ച് വിദ്യാര്‍ഥി ഫെസ്റ്റ് കൈപടമുകള്‍ ജന്നത്തുല്‍ ഉലൂം മദ്‌റസയില്‍ വച്ച് നടന്നു. മദ്‌റസ ട്രഷറര്‍ ഉസ്മാന്‍ സാഹിബ് പതാക ഉയര്‍ത്തി. സമ്മേളനം തൃക്കാക്കര ഖത്തീബ് അബ്ദുല്‍ ലത്തീഫ് വാഫി ഉദ്ഘാടനം ചെയ്തു. മദ്‌റസാ മാനേജ്‌മെന്റ് അസോസിയേഷന്‍ പ്രസിഡന്റ് എ.എ അബ്ദുല്‍ റഹ്മാന്‍ അദ്ധ്യക്ഷത വഹിച്ചു. റെയിഞ്ച് സെക്രട്ടറി കെ.എം യൂസഫ് മാസ്റ്റര്‍ സ്വാഗതം ആശംസിച്ചു.
തുടര്‍ന്ന് 12 മദ്‌റസകളില്‍ നിന്നുള്ള 250 ല്‍ പരം വിദ്യാര്‍ത്ഥികള്‍ വിവിധ ഇനങ്ങളിലായി നടന്ന അന്‍പതോളം മത്സര ഇനങ്ങളില്‍ പങ്കെടുത്തു. മലേപ്പള്ളിദാറുല്‍ ഉലും മദ്‌റസ ഓവറോള്‍ ചാംപ്യന്‍മാരായി. രണ്ടാം സ്ഥാനം മുണ്ടംപാലം തര്‍ബിയത്തുല്‍ ഇസ്‌ലാം മദ്‌റസക്കു ലഭിച്ചു.
വൈകിട്ട് നടന്ന സമാപന സമ്മേളനം റെയിഞ്ച് പ്രസിഡന്റ് എം.എം അബൂബക്കര്‍ ഫൈസിയുടെ അദ്ധ്യക്ഷതയില്‍ ജില്ലാ ജംഇയ്യത്തുല്‍ മുഅല്ലിമീന്‍ സെക്രട്ടറി അബ്ദുസ്സമദ് ദാരിമി ഉദ്ഘാടനം ചെയ്തു.
മാനേജ്‌മെന്റ് അസോസിയേഷന്‍ ജില്ലാ പ്രസിഡ് ടി.എ.ബഷീര്‍, മുഫത്തിശ് എന്‍.കെ മുഹമ്മദ് ഫൈസി, എസ് വൈ എസ് ജില്ലാ സെക്രട്ടറി സി.എം അബ്ദുല്‍ റഹ്മാന്‍ കുട്ടി, ഖുര്‍ ആന്‍ സ്റ്റഡി സെന്റര്‍ ജില്ലാ സെക്രട്ടറി എം.ബി മുഹമ്മദ് ഹാജി, സുപ്രഭാതം അസി. സി.ഇ.ഒ ഐ.എം അബ്ദുല്‍ റഹ്മാന്‍, എം.എം.എ പ്രസിഡന്റ് അബ്ദുല്‍ റഹ്മാന്‍ സാഹിബ്, കൗണ്‍സിലര്‍ കെ.എ സിദ്ധീഖ്, എം.എം.എ ജോ. സെക്രട്ടറി കെ.എം അബ്ദുല്‍ റഹീം, റെയിഞ്ച് ആര്‍ ജെ.എം ട്രഷറര്‍ പി.കെ അബൂബക്കര്‍ മാസ്റ്റര്‍, എം.എം.എ ട്രഷറര്‍ കെ.പി അബ്ദുല്‍ ഖാദര്‍ മദ്‌റസാ സെക്രട്ടറി സെയ്ത് മുഹമ്മത് എന്നിവര്‍ വിജയികള്‍ക്കുള്ള ട്രോഫികളും അവാര്‍ഡുകളും വിതരണം ചെയ്തു.
നസ്വാഗതസംഘം കണ്‍വീനര്‍ ഉസ്മാന്‍ ഫൈസി സ്വാഗതവും എം.എം.എ സെക്രട്ടറി കെ.എം അബ്ദുല്‍ റഹ് മാന്‍ നന്ദിയും രേഖപ്പെടുത്തി.