പറവൂര്‍: പിണറായി വിജയനെപോലെ കാര്യക്ഷമതയില്ലാത്ത കഴിവുകെട്ട ഒരു മുഖ്യമന്ത്രിയെ കേരളം ഇതുവരെ കണ്ടിട്ടില്ലെന്നു പ്രതിപക്ഷ നേതാവ് രമേശ് ചെന്നിത്തല. കോണ്‍ഗ്രസ് നടത്തുന്ന ബൂത്ത് കണ്‍വന്‍ഷനുകളുടെ ജില്ലാ തല ഉദ്ഘാടനം വി.ഡി സതീശന്‍ എം.എല്‍എ യുടെ വസതിയില്‍ നിര്‍വഹിച്ചു സംസാരിക്കുകയായിരുന്നു അദ്ദേഹം.
പ്രശ്‌നങ്ങളും പ്രതിസന്ധികളും ഉണ്ടാകുമ്പോഴാണ് ഒരു ഭരണാധികാരിയുടെ പ്രാഗല്‍ഭ്യം അറിയുക. എന്നാല്‍ ലോ അക്കാദമി കോളജ് വിഷയത്തിലടക്കം പ്രശ്‌നങ്ങള്‍ പരിഹരിക്കുന്നതില്‍ മുഖ്യമന്ത്രിയുടെ കഴിവുകേടാണ് വ്യക്തമായതെന്നും അദ്ദേഹം പറഞ്ഞു.
ഡി.സി.സി പ്രസിഡന്റ് ടി.ജി വിനോദ് അധ്യക്ഷത വഹിച്ചു. എം.എല്‍.എമാരായ വി.ഡി സതീശന്‍, അന്‍വര്‍ സാദത്ത്, മുന്‍ എം.പി കെ.പി ധനപാലന്‍, മുഹമ്മദ് ഷിയാസ്, കെ.പി ഗോപിനാഥ്, കെ.എ അഗസ്റ്റിന്‍, എം.ടി ജയന്‍, ടി.കെ ഉദയഭാനു, ആനുവട്ടത്തറ, വി.പി ജോര്‍ജ്, പി.വി ലാജു, കൊച്ചുത്രേസ്യ ജോയ്, എം.ആര്‍ അഭിലാഷ് എന്നിവര്‍ സംസാരിച്ചു