താമരശേരി: റബര്‍ എസ്റ്റേറ്റ് അഗ്നിക്കിരയായി. താമരശേരി ദേശീയ പാതയില്‍ അമ്പായത്തോടിനു സമീപത്തെ എസ്റ്റേറ്റിനാണ് തീപിടിച്ചത്. ഗ്രേസ് ഫീല്‍ഡ് എസ്റ്റേറ്റ്, വെഴുപ്പൂര്‍ എസ്റ്റേറ്റ്, കൊയിലാണ്ടി സ്വദേശിയുടെ എസ്റ്റേറ്റ് എന്നിവ ഭാഗികമായി കത്തിനശിച്ചു. ഇന്നലെ വൈകിട്ട് നാലോടെയാണ് സംഭവം.
മുക്കം, നരിക്കുനി എന്നിവിടങ്ങളിലെ അഗ്നിശമന സേനയുടെ യൂനിറ്റുകള്‍ മറ്റിടത്തായതിനാല്‍ ഏറെനേരം വൈകിയാണ് സംഭവസ്ഥലത്തെത്തിയത്. ഇതു നാശനഷ്ടം വര്‍ധിക്കാന്‍ ഇടയാക്കി.
കോഴിക്കോട് വെള്ളിമാട്കുന്നില്‍ നിന്നുള്ള ഫയര്‍ഫോഴ്‌സ് സംഘമെത്തിയാണ് തീയണച്ചത്.