അരീക്കോട്: ബേക്കറി കച്ചവടത്തിനു മറവില്‍ വിദ്യാര്‍ഥികള്‍ക്കു ലഹരിവസ്തുക്കള്‍ വില്‍പന നടത്തുന്നയാളെ അറസ്റ്റ് ചെയ്തു. കാരിപറമ്പ് ഉഗ്രപുരം സ്വദേശി പാണക്കഴന്‍ കരീമിനെയാണ് കഴിഞ്ഞ ദിവസം രാത്രി 10ന് അരീക്കോട് പൊലിസ് അറസ്റ്റ് ചെയ്തത്.
കാരിപറമ്പ് അങ്ങാടിയില്‍ ഇയാള്‍ കച്ചവടം ചെയ്യുന്ന പി.കെ ബേക്കറിയില്‍ ലഹരി വസ്തുക്കള്‍ വില്‍പന നടത്തുന്നുണ്ടെന്ന വിവരം ലഭിച്ചതിന്റെ അടിസ്ഥാനത്തില്‍ നടത്തിയ പരിശോധനയില്‍ അന്‍പതോളം പാക്കറ്റ് ലഹരി വസ്തുക്കളും പിടിച്ചെടുത്തു. കടയിലെത്തുന്ന സ്‌കൂള്‍ വിദ്യാര്‍ഥികള്‍ക്കും മറ്റും നിരന്തരമായി ഇയാള്‍ ലഹരി ഉല്‍പന്നങ്ങള്‍ വില്‍പന നടത്തുന്നുണ്ടെന്ന് അരീക്കോട് എസ്.ഐ കെ. സിനോദ് പറഞ്ഞു.