കൊല്ലം: ഓള്‍ കേരളാ സ്‌കൂള്‍ ടീച്ചേഴ്‌സ് യൂനിയന്‍ സംസ്ഥാന സമ്മേളനം ഒന്‍പത് മുതല്‍ 11വരെ കൊല്ലത്തു നടക്കുമെന്ന് സ്വാഗതസംഘം ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.
ഒന്‍പതിന് വൈകിട്ട് നാലിന് ചിന്നക്കട ബസ്‌ബേയില്‍ സാംസ്‌കാരിക സമ്മേളനം മുന്‍ മന്ത്രി കെ.ഇ ഇസ്മാഈല്‍ ഉദ്ഘാടനം ചെയ്യും. സമ്മേളനം 10ന് രാവിലെ ടൗണ്‍ഹാളില്‍ സി.പി.ഐ സംസ്ഥാനസെക്രട്ടറി കാനം രാജേന്ദ്രന്‍ഉദ്ഘാടനം ചെയ്യും. വൈകിട്ട് അഞ്ചിന് പൊതുസമ്മേളനം സി.പി.ഐ ദേശീയ സെക്രട്ടേറിയറ്റംഗം പന്ന്യന്‍ രവീന്ദ്രനും 11ന് രാവിലെ വിദ്യാഭ്യാസസമ്മേളനം മന്ത്രി സി. രവീന്ദ്രനാഥും ഉദ്ഘാടനം ചെയ്യും. സ്വാഗതസംഘം ചെയര്‍മാന്‍ എന്‍. അനിരുദ്ധന്‍, ജനറല്‍സെക്രട്ടറി എന്‍. ശ്രീകുമാര്‍, പ്രസിഡന്റ് ആര്‍. ശരത്ചന്ദ്രന്‍നായര്‍, കണ്‍വീനര്‍ എന്‍. ഗോപാലകൃഷ്ണന്‍ എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.