കോഴിക്കോട്: സംസ്ഥാന സ്‌കൂള്‍ കലോത്സവത്തില്‍ സ്വര്‍ണ കിരീടം നേടിയ ജില്ലാ ടീമിന് ജില്ലാ പഞ്ചായത്തിന്റെയും കോര്‍പറേഷന്റെയും ആഭിമുഖ്യത്തില്‍ സ്വീകരണം നല്‍കി.
ടാഗോര്‍ സെന്റിനറി ഹാളില്‍ നടന്ന സ്വീകരണ പരിപാടി മേയര്‍ തോട്ടത്തില്‍ രവീന്ദ്രന്‍ ഉദ്ഘാടനം ചെയ്തു. വിജയികള്‍ക്കുള്ള സമ്മാന വിതരണം മേയര്‍ തോട്ടത്തില്‍ രവീന്ദ്രന്‍, ഡെപ്യൂട്ടി മേയര്‍ മീരാ ദര്‍ശക്, മുക്കം മുഹമ്മദ്, അഡ്വ. പി.എം സുരേഷ് ബാബു, ഡി.ഡി.ഇ ഗിരീഷ് ചോലയില്‍ എന്നിവര്‍ വിതരണം ചെയ്തു. കലോത്സവത്തില്‍ വിജയത്തിന് ഇടയാക്കിയ പരിപാടികള്‍ വിദ്യാര്‍ഥികള്‍ വേദിയില്‍ അവതരിപ്പിച്ചു.